Хьюндай эмнэлгийн тархи судасны төв нь тархины мэдрэлийн тогтолцооны өвчин (цус харвалт)-ын эмчилгээний чиглэлээр мэдрэл судлал, мэдрэлийн мэс засал, яаралтай тусламжийн анагаах ухаан, дүрс оношилгооны тасгуудын хамтарсан ажиллагаанд тулгуурлан, хамгийн сүүлийн үеийн тоног төхөөрөмж болон өндөр мэргэжлийн эмч, багш нарын бүрэлдэхүүнтэйгээр оношилгоо, эмчилгээ, сургалтыг гүйцэтгэж байна.
Манай тархи судасны төв нь тархи судасны өвчтэй өвчтөнүүдэд цогц, системтэй бөгөөд хурдан шуурхай хандлагаар хандсанаар, өвчнөөс урьдчилан сэргийлэх, мөн хүндрэл болон дахин тохиолдох эрсдэлийг бууруулах замаар орон нутгийн иргэдийн эрүүл мэндийн түвшинг сайжруулах, амьдралын чанарыг дээшлүүлэхийн төлөө тасралтгүй чармайн ажиллаж байна.
Эмчилгээний чиглэл
Толгойн өвдөлт
Хуйхны цус алдалт
Гавлын ясны хугарал
Гэмтлийн шалтгаант тархины цус харвалт
Цусны даралт ихсэлтийн шалтгаант тархины цус алдалт
Тархины судасны гажигийн улмаас үүссэн цус алдалт
Бидний давуу тал
Манай төв нь олон төрлийн өндөр хүчин чадалтай тархины CT болон MRI аппаратаар тоноглогдсон бөгөөд өвчнийг түргэн шуурхай, өндөр нарийвчлалтайгаар оношлох, эмчлэх боломжийг бүрдүүлдэг.
Мөн орчин үеийн хяналтын дэвшилтэт тоног төхөөрөмж, туршлагатай сувилагч нараар бүрэлдсэн, хангалттай орны тоотой эрчимт эмчилгээний тасагтай бөгөөд, өвчтөнд ая тухтай, нөхөн сэргээх эмчилгээ авах ээлтэй орчинг бүрдүүлсэн.
Түүнчлэн, туршлагатай яаралтай тусламжийн эмч нартай уялдаа холбоотой ажиллаж, тархины өвчний яаралтай тохиолдолд анхан тусламжийг нэн даруй, зөв оношилж өндөр үр дүнтэй эмчилгээ хийж байна.
