Хьюндай эмнэлгийн мэдээгүйжүүлгийн тасгийн үндсэн зорилго нь унтуулга (ухаангүй байх), мэдээ алдуулалт (өвдөлтгүй болгох), хөдөлгөөний саатал (булчин сулрал), рефлексийн хариу үйлдлийг дарангуйлах замаар мэс заслыг саадгүй, аюулгүй явуулах явдал юм. Сүүлийн жилүүдэд мэс заслын техник, мэдээ алдуулалтын салбарын хүрээ тэлж, мэс заслын өмнөх өвчтөний үнэлгээ ба бэлтгэл, мэс заслын үеийн хяналт ба өвчтөний удирдлага, мэс заслын дараах өвдөлт намдаалт, амьсгалын хяналт зэрэг хүнд өвчтөний эрчимт эмчилгээний үйл ажиллагаа төдийгүй архаг өвдөлтийн менежмент, сургалт, судалгаа зэрэг олон чиглэлээр анагаах ухааны хөгжилд хувь нэмрээ оруулсаар байна. Манай Хьюндай эмнэлгийн мэдээгүйжүүлгийн тасаг нь хамгийн сүүлийн үеийн эмнэлгийн тоног төхөөрөмжийг нэвтрүүлэн, мэс заслын өвчтөн бүрт аюулгүй мэс засал болон түргэн сэргэлтийг хангахын төлөө чармайн ажиллаж байна.